HALOS 1,500 benepisyaryo ng National Housing Authority (NHA) mula sa Las Piñas ang dumagsa sa CAA Elementary School para makinabang sa serbisyo ng People’s Caravan na binubuo ng 27 ahensya ng pamahalaan.

Ang caravan, isang inisyatiba ni NHA General Manager Joeben Tai, ay naglalayong dalhin nang mas malapit sa mga benepisyaryo at kanilang pamilya ang tulong ng pamahalaan.

Pinangunahan ni NHA Assistant General Manager Alvin Feliciano ang programa, kasama si NCR South Sector Regional Manager Cromwell Teves.

Dumalo rin sina Las Piñas Lone District Representative Mark Anthony Santos at Las Piñas Mayor April Aguilar.

Lumahok ang Las Piñas sa event sa pamamagitan ng pagsali ng City Health Office, City Social Welfare and Development Office at Office for Senior Citizens Affairs.

Nakilahok ang mga benepisyaryo sa iba’t- ibang serbisyong inihandog ng mga katuwang na ahensya ng pamahalaan at pribadong sektor.

Nagkaroon sila ng pagkakataong mag-apply para sa National ID at iba pang serbisyo ng civil registry gaya ng pagproseso ng Birth Certificate, Death Certificate, Certificate of No Marriage Record (CENOMAR), Marriage Certificate at PSA Serbilis Application mula sa Philippine Statistics Authority (PSA); membership registration at Loyalty Card issuance ng Pag-IBIG Fund; membership at issuance ng PhilHealth ID; at membership registration at pension concerns ng Social Security System (SSS).

Nagpasalamat si Elisa Comia, isa sa mga lumahok sa caravan, dahil nagkaroon siya ng pagkakataong ma-update ang kanyang SSS account pati na rin ang sa kanyang asawa dahil sa caravan.

“Malaking tulong po talaga ang caravan na ito. Kasi kung pupunta ka pa sa SSS, mamasahe ka pa,” ani Elisa.

Nagbigay naman ang Department of Health (DOH) ng libreng medical at dental mission, gamot at chest X-ray habang ang Philippine National Police (PNP) at Armed Forces of the Philippines (AFP) naghatid ng seguridad, emergency standby, at rescue services.

Tinanggap din ang mga naghahanap ng trabaho sa job fair na inorganisa ng Public Employment Service Office (PESO)-Department of Labor and Employment (DOLE).

Nagsagawa ang Department of Migrant Workers (DMW) at Overseas Workers Welfare Administration (OWWA) ng oryentasyon/seminar ukol sa mga programa at serbisyo para sa mga OFW, financial awareness, at pagsasanay sa small business management.

Dinala rin ng caravan ang iba’t ibang livelihood programs, food safety, skills enhancement at entrepreneurship trainings, business at capital consultancy, at mga scholarship program mula sa Technical Education and Skills Development Authority (TESDA).

Nagbenta rin ng farm-to-market products at bigas sa pamamagitan ng KADIWA Program ng Department of Agriculture (DA).

Namahagi din ng libreng vegetable seeds, seedlings, fertilizers, at IEC materials ang DA

Nagbigay naman ang Department of Information and Communications Technology (DICT) ng libreng onsite wifi internet at oryentasyon ukol sa eGov Super App. Samantala, nagsagawa rin ang Public Attorney’s Office (PAO) ng libreng legal consultation at notarial services.

Namahagi ang Philippine Charity Sweepstakes Office (PCSO) ng 1,000 relief goods na nakapaloob sa plastic na mga timba na tinawag nilang “Charitimba.”

“Inilunsad noong Setyembre 2023, nakatanggap ang NHA People’s Caravan ng malaking positibong pagtanggap sa buong bansa at nakapagbigay ng benepisyo sa libu-libong benepisyaryo mula sa mga housing site ng NHA.