ISANG Pilipino sa Singapore ang nagpositibo sa monkeypox.

Ayon sa Department of Foreign Affairs (DFA) ang nahawa ay isang 31-anyos na lalaki.

Siya ay nilagnat umano noong Hulyo 21 na sinundan ng rashes sa kanyang mukha at katawan.

Pumunta siya sa Singapore General Hospital makalipas ang tatlong araw at noong Hulyo 25 ay lumabas ang resulta na siya ay positibo sa monkeypox.

Nasa maayos na kalagayan na umano ang Pilipino at nagsasagawa na ng contact tracing ang otoridad sa Singapore.

Noong nakaraang linggo ay naitala ang unang kaso ng monkeypox sa Pilipinas.