KAMPO VICENTE LIM, Calamba City, Laguna–Tapos na ang 17 araw trafficking in persons specialist investigation course ng Police Regional Office (PRO) 4A na layuning palakasin ang mga kaso laban sa human trafficking.

Dinaluhan ni PCol. Glenn Lonogan, Acting Deputy Regional Director for Administration ng PRO 4A, ang mga kalahok na pulis mula sa iba’t-ibang lalawigan ng Region 4A.

Napakahalaga ng papel ng mga “espesyalistang imbestigador” upang maprotektahan ang mga mahihinang sektor at matiyak na mabubuwag ang mga sindikato, ayon sa police official.

Ang hakbang na ito ay bahagi ng programa ng Philippine National Police upang itaas ang kalidad ng serbisyo ng mga pulis.