CAMP OLIVAS, Pampanga–Naaresto ang isang rape suspect na obrero noong Huwebes ng mga pulis sa pamumuno ni Lt. Col. Rommel Labalan sa parking lot ng Robinson mall sa Brgy. San Jose, San Fernando City, Pampanga.

Ang pagkakaaresto ay bunga ng warrant arrest order na inisyu ng judge sa kasong panggagahasa, isang non-bailable offense.

Kasama ang San Fernando police sa umaresto sa suspek na namataan at tila nagulat ng makita ang mga arresting authorities.

Residente sa San Pedro Cutud, Purok 7, Kamagong St., San Fernando City, Pampanga.

“The arrested person was appraised of his constitutional rights in a dialect understood by him and the arrested person was brought to San Fernando PNP station for proper disposition,” sabi ni Labalan.