UMABOT sa 281,507 ang bilang ng mga pasaherong sumakay ng Metro Rail Transit 3 (MRT-3) noong Lunes, ang pinakamataas na naitala mula ng magbalik-operasyon ito noong Hunyo 1, 2020.

Noong Lunes din ang unang araw na ipinatupad ang libreng sakay sa MRT-3.

Pinabibiyahe na rin ng MRT-3 ang pinakamahabang train set nito na mayroong apat na bagon kapag peak hours o mula 7-9 ng umaga at 5 ng hapon hanggang 7 ng gabi.

Nasa 18-21 naman ang average train sets na napapatakbo ng MRT-3 sa main line.

Bago ang pandemya, nasa 250,000 hanggang 300,000 pasahero ang sumasakay sa MRT-3 kada araw.