NANAWAGAN si Senador Raffy Tulfo ng masusing imbestigasyon at paghahain ng mga kaso laban sa mga Business Process Outsourcing (BPO) company sa Cebu na umano’y nagpabalik sa trabaho sa kanilang mga empleyado matapos ang magnitude 6.9 na lindol, na ayon sa kanya ay nag-una ng kita kaysa kaligtasan ng manggagawa.

Sa pagdinig ng Senate Committee on Labor, Employment and Human Resources Development nitong Miyerkules, ipinahayag ni Tulfo ang kanyang pagkagalit sa mga ulat na ilang call center firm ang nag-utos sa mga kawani na agad magtrabaho muli sa kabila ng panganib ng aftershocks at posibleng pinsala sa gusali.

“Amidst this disaster, my blood boiled even more when I learned what happened to the BPO workers in Cebu, where heartless employers forced them to work instead of sending their employees home and ensuring their safety,” aniya. “They prioritized their profits.”

Ayon kay Tulfo, lumalabag umano sa Department of Labor and Employment (DOLE) Labor Advisory No. 17, Series of 2022, ang ganitong mga utos. Itinatakda ng nasabing advisory na unahin ng mga employer ang kaligtasan ng mga manggagawa tuwing may kalamidad at ipinagbabawal ang pagpaparusa sa mga empleyadong hindi makapasok dahil sa panganib. Binanggit din niya ang Department Order No. 252, Series of 2025, na nagbibigay ng karapatan sa mga empleyado na tumanggi sa trabaho kung may “imminent danger” nang walang banta ng parusa o ganti.

“I want cases filed against these BPOs. I seriously want them to be sued and shut down if necessary,” giit ni Tulfo, at idinagdag na dapat managot ang mga kumpanyang sangkot. “It’s unbelievable how they prioritized profit over the safety of their employees.”

Ayon pa sa senador, hihilingin niya sa DOLE, Philippine Economic Zone Authority (PEZA), at mga lokal na opisyal na magsagawa ng sabayang imbestigasyon upang matukoy ang mga kompanyang lumabag sa mga alituntunin sa kaligtasan. “BPOs have long been a pillar of our economy,” aniya, “but that cannot be an excuse for putting lives at risk.”

Ang lindol na yumanig sa Cebu nitong mga nagdaang araw ay nagdulot ng malalakas na pagyanig, pagkawala ng kuryente, at pagpapaalis sa mga gusali sa mga pangunahing business district kung saan maraming BPO offices ang 24/7 ang operasyon. Ayon sa mga labor group, daan-daang empleyado ang “traumatized and furious” matapos umanong utusang bumalik agad sa kanilang mga mesa pagkatapos ng lindol.

Sinabi pa ni Tulfo na rerepasuhin ng kanyang komite ang aksyon ng mga DOLE regional office at PEZA representative upang alamin kung naipatupad nang tama ang mga safety protocol. “If they think they can get away with this, they’re wrong,” babala niya. “We’ll make sure this kind of greed has consequences.”