PINURI ni Speaker Ferdinand Martin G. Romualdez ang data sharing agreement sa pagitan ng Technical Education and Skills Development Authority (TESDA) at Department of Education (DepEd), na magpapabilis sa certification ng mga senior high school students sa ilalim ng technical-vocational-livelihood (TVL) track at magbubukas ng mas maraming oportunidad para sila ay makapagtrabaho.

“This partnership ensures that our SHS-TVL learners will suffer no delay in accessing TESDA’s assessments and services. With faster and more accurate certification, our graduates can more quickly pursue jobs or further studies, giving them a real head start in life,” ani Speaker Romualdez.

Binigyang-diin niya na ang pag-uugnay ng TESDA-Assessment Schedules Information System (ASIS) sa Learners Information System (LIS) ng DepEd ay mag-aalis ng mga sagabal sa scheduling at validation, upang masigurong ang mga SHS-TVL learners ay agad na masusuri at makakakuha ng certification.

“Sa pamamagitan ng kasunduang ito, masisiguro natin ang mas mabilis at mas maayos na proseso para makakuha ng TESDA certification na ang ating mga kabataang nasa TVL track. Ito ang magsisilbing susi upang mas marami sa kanila ang makahanap ng magandang trabaho o magpatuloy sa mas mataas na antas ng pagsasanay,” ani Speaker Romualdez.

Naglabas ng pahayag ang Speaker matapos lagdaan nina TESDA Secretary Francisco Benitez at DepEd Secretary Sonny Angara ang kasunduan upang i-integrate ang kanilang mga database para sa TVL learners sa buong bansa.

Upang tugunan ang mga pangamba ukol sa data privacy, malugod na tinanggap ni Speaker Romualdez ang katiyakan na parehong may mga itinalagang data protection officers ang dalawang ahensya at nagpapatupad ng mahigpit na mga pananggalang, kabilang ang encryption, multi-factor authentication at breach notification protocols.

“Digital transformation is vital, but strong protections must ensure our students’ data remains secure,” binigyang-diin niya.

Pinagtibay ni Romualdez ang buong suporta ng House of Representatives sa pagpapatatag ng technical-vocational education, alinsunod sa layunin ni Pangulong Ferdinand R. Marcos Jr. na baguhin ang sistema ng edukasyon at masigurong bawat pamilyang Pilipino ay mayroong kahit isang miyembro na nagtapos ng kolehiyo o technical-vocational course.

“The 1987 Constitution mandates that education be given the highest priority in the national budget. As lawmakers, we are duty-bound to see this through, especially for our senior high school learners whose skills and talents are in the technical-vocational fields,” ani Romualdez.

Para sa 2026, nakalaan sa panukalang P19.96-bilyong budget ng TESDA sa ilalim ng National Expenditure Program (NEP) ang P18.39 bilyon para sa Technical Education and Skills Development Program.

May P505.906 milyon naman para sa Development, Implementation, Monitoring and Evaluation of Assessment and Certification Systems, kung saan P348.721 milyon ang nakalaan partikular para sa assessment ng SHS learners para sa national certification.

“As public servants, we must make our learners feel that even at a young age, they can rely on the government as a steady partner in opening doors of opportunity―whether through higher education or jobs that sharpen their technical-vocational skills,” ani Speaker Romualdez.

“This is what a digital Bagong Pilipinas should be: a nation where genuine public service and technology converge to uplift the lives of our countrymen,” dagdag niya.