LUMAPAG na ang Bagong Pilipinas Special Chartered Flight pasado alas dose ng tanghali, Sabado sa Ninoy Aquino International Airport sa Terminal 3 sa Pasay City.

Lulan ng naturang eroplano si Secretary Hans Leo J. Cacdac at ang 442 na Pinoy, kabilang ang mahigit 200 OFWs mula UAE.

Sinalubong sila ng iba’t ibang government agencies na pinangungunahan ng DMW, kasama ang OWWA, DSWD, DOH, TESDA, at Bureau of Immigration.

Ang ligtas na pagbabalik ng ating mga kababayan na naipit sa Middle East Crisis ay tugon sa utos at bahagi ng Post Repatriation Assistance ng pamahalaan ng Pangulong Ferdinand R. Marcos Jr.