Calendar
Suspek sa pagnenok, nagtago ng 27 taon, arestado
NASAKOTE ng mga operatiba ng Quezon City Police District (QCPD) ang 45-anyos na lalaking wanted sa kasong robbery matapos ang halos tatlong dekadang pagtatago.
Ayon kay QCPD director P/BGen. Randy Glenn Silvio, may warrant of arrest sa nadakip na si alyas Ariston para sa kasong robbery na inisyu ng Branch 107, Regional Trial Court (RTC), Quezon City.
Naaresto siya ng mga operatiba ng Holy Spirit Police Station sa pamumuno ni P/Lt. Col. Wilfredo Fabros matapos magtago sa loob ng 27-taon.
Nakakuha ng impormasyon ang mga operatiba ng PS 14 sa kinaroroonan ng suspek na nagresulta sa kanyang pagkakaaresto.
“This successful arrest demonstrates our commitment in ensuring that no offender can evade the law indefinitely.
Through sustained intelligence efforts and coordinated operations, we will continue to pursue wanted persons and uphold justice for the victims of crime,” pahayag ng QCPD chief.
