BUMUTI ang buhay ng 30 porsyento ng mga Pilipino batay sa unang survey na isinagawa ng Social Weather Station (SWS) sa ilalim ng Marcos administration.

Sa survey na isinagawa mula Setyembre 29 hanggang Oktobre 2, 2022, 30 porsyento ang nagsabi na bumuti ang kanilang buhay kumpara 12 buwan ang nakakaraan.

Nagsabi naman ang 29 porsyento na mas masama noon kaysa ngayon habang 41 porsyento ang nagsabi na walang nagbago.

Ang net gainer ay zero (correctly rounded) na mas mataas kumpara sa -2 porsyento na naitala sa survey noong Hunyo at Abril 2022.

Mas mababa naman ito sa 18 porsyentong net rating sa survey noong Disyembre 2019, o bago ang pandemya.

Kinuha sa survey ang opinyon ng 1,500 respondent na edad 18 taong gulang pataas.