NAGSABI ang 40% ng mga respondent sa isinagawang survey ng Social Weather Station (SWS) na mas naging mahirap ang kanilang buhay kumpara sa kanilang kalagayan 12 buwan ang nakakaraan.

Sa survey ay ginawa noong Disyembre 12-16, nagsabi naman ang 24% na mas maganda ang kanilang kalagayan samantalang 36% ang nagsabi na wala silang naramdamang pagbabago.

Ang -16% net gainer (gainers minus losers) ay mas mataas sa -44% na naitala sa survey noong Setyembre. Mas mababa naman ito sa +18% na naitala noong Disyembre 2019, bago ang COVID-19 pandemic.

Kinuha sa Fourth Quarter 2021 SWS survey ang opinyon ng 1,440 respondent na edad 18 taong gulang pataas. Mayroon itong sampling error margin na ±2.6%.