SA isang makasaysayang Gabi ng Parangal, nagwagi sina Vice Ganda at Krystel Go bilang best actor at actress sa 2025 Metro Manila Film Festival (MMFF) noong Sabado nang gabi sa grand ballroom ng Dusit Thani sa Makati City.

Si Daphne Krystel Go, isang baguhang actress na may Down’s syndrome, ang napiling pinakamahusay na aktres dahil sa kanyang makatotohanan at nakaantig-damdaming pagganap sa pelikulang I’mPerfect. Sa isang bihirang pagkakataon sa pelikulang Pilipino, naipakita ang higit pang magagawa ng isang nilalang na may ganitong kalagayan.

Samantala, nagwagi naman bilang Best Actor si Vice Ganda pagkatapos ng sampung pagkakataon sa MMFF para sa kanyang kahanga-hangang pagganap bilang ‘ina’ sa Call Me Mother. Mahaba pero makabuluhan ang kanyang hindi preparadong acceptance speech.

Samantala, nagwagi namang Best Picture ang ‘I’mPerfect’ na dinirek at sinulat ni Andrea Sigrid Bernardo. Bago ang Gabi ng Parangal, sinabi ng ‘I’mPerfect’ producer na si Sylvia Sanchez, wala siyang masyadong inaasahan sa awards night. Ang mahalaga, aniya, napili ang pelikula para sa MMFF. Mas gusto niyang mapanood ng marami ang naturang pelikula na magbubukas ng mga mata at puso para sa mga nilalang na may Down’s syndrome. Kaya naman, napaiyak siya nang manalo itong best picture at lumaki pa ang pag-asa nitong panoorin ng nakararami.

Narito ang talaan ng iba pang mga nanalo:

Second Best Picture — UnMarry

Third Best Picture — Manila’s Finest and Call Me Mother

Best Director — Jeffrey Jeturian for UnMarry

Jury Prize: Best Ensemble — I’mPerfect

Gatpuno Antonio J. Villegas Cultural Award — Manila’s Finest

Fernando Poe Jr. Memorial Award for Excellence — Bar Boys: After School

Breakthrough Performance Award — Zack Sibug for UnMarry

Best Screenplay — Chris Martinez and Therese Cayaba for UnMarry

Best Supporting Actor — Tom Rodriguez for UnMarry

Best Supporting Actress — Odette Khan for Bar Boys: After School

Best Child Performer — Lucas Andalio for Call Me Mother

Best Cinematography — Raymond Red for Manila’s Finest

Best Original Theme Song — “Sandalan” by Vehnee Saturno for Manila’s Finest

Best Sound — Roy Santos for Manila’s Finest

Best Musical Score — Frederik Sandoval and Emerzon Texon for Manila’s Finest

Best Editing — Benjo Ferrer for UnMarry

Best Production Design — Digo Ricio for Manila’s Finest

Best Visual Effects — Santelmo Inc. for Shake, Rattle & Roll Evil Origins

Gender Sensitivity Award — Call Me Mother

Best Float — UnMarry and Manila’s Finest.