ISANG 48-anyos na tindero noong Miyerkules ang naaresto ng mga pulis dahil sa pag-iingat ng baril at bala sa Sitio Masaya, Brgy. Payapa, Padre Garcia, Batangas.

Nahuli ang suspek na si alyas Jr. ng mga tauhan ng Padre Garcia police sa bisa ng search warrant na inisyu ng Vice Executive Judge ng Regional Trial Court, Branch 13, ng Lipa City, Batangas para sa pinaghihinalaang paglabag sa RA 10591 (Comprehensive Firearms and Ammunition Regulation Act).

Nasamsam mula sa suspek ang kalibre .45, Glock 21, isang sling bag, tatlong magasin at anim na hollow point na bala.

Ang mga kaukulang dokumento ay inihahanda na para sa pagsasampa ng ng kaso laban sa suspek sa tanggapan ng piskalya.