NAKIPAGPULONG si Vice President at Education Secretary Sara Duterte kina Ayala Corporation Chairman Jaime Augusto Zobel de Ayala, Ayala Foundation President Ruel Maranan, iPeople President Alfredo Ayala, at Senior Director for CorpComms ng Ayala Foundation Cel Rosales-Amores.

Sa kanyang social media post, sinabi ni Duterte na naganap ang pagpupulong sa central office ng Department of Education Lunes ng umaga.

Sinabi ni Duterte na ipinaabot ng grupo ni Ayala ang kanilang kahandaan na suportahan ang mga programa ng DepEd para sa ikauunlad ng kalidad ng edukasyon sa Pilipinas.

Nagpasalamat naman si Duterte sa dedikasyon ng Ayala Foundation at sa dedikasyon ng mga ito na matulungan ang mga estudyanteng Pilipino.