HERMOSA, Bataan–Nagbukas noong Lunes ang bagong waiting area ng rural health unit (RHU) ng bayang ito sa Brgy. Mandama.

Ayon kay Mayor Anne Inton, sa pamamagitan ng proyektong ito mas magiging komportable ang  mga pasyente habang naghihintay para ma check up.

“Hindi na nila kailangang maghintay sa ilalim ng matinding init o masamang panahon dahil mayroon na silang maayos, ligtas at maaliwalas na lugar na mapagpapahingahan,” pahayag ni Mayor Inton.

Nagpapasalamat si Inton sa mga dumalong sina Vice Governor Cris Garcia, Congressman Tony Roman, Congressman Jett Nisay at mga miyembro ng Sangguniang Panlalawigan mula sa unang distrito.