𝗜𝗞𝗜𝗡𝗔𝗚𝗔𝗟𝗔𝗞 ni dating OFW Party List Representative Marissa “Del Mar” Magsino na walang Pilipinong namatay o nasaktan sa shooting rampage na naganap sa Bondi beach sa Sydney, Australia noong Linggo.

Ayon kay Magsino, kinumpirma rin ng Department of Foreign Affairs (DFA) na walang Pilipino ang naiulat na nasaktan sa mass shooting sa Australia habang nagdiriwang ng Hanukkah ang Jewish community roon.

Umabot sa 15 katao ang naitalang namatay at 40 pa ang malubhang nasugatan.

Iminungkahi ni Magsino na dapat ay makipag-ugnayan pa rin ang DFA sa Philippine Consulate Office sa mga awtoridad sa Sydney para alamin ang kalagayan ng mga Pilipino sa Australia matapos ang pamamaril.