GENERAL TINIO, Nueva Ecija – Timbog sa mga pulis ang dalawang lalaki dahil sa pagsinghot ng shabu sa sementeryo noong Biyernes.

0Kinilala ang dalawang nahuli na sina alyas “Ed” na 30-anyos at “Jay” na 28-anyos.

Nasakote ang dalawa dahil sa tip ng concerned citizen na may nagaganap na pot session sa Ave Maria Cemetery sa Barangay San Pedro alas-12:20 ng hatinggabi.

Nakuha mula sa mga suspek ang 0.5 na gramo ng shabu na nagkakahalaga ng P3,400, isang mobile phone at iba’t ibang drug paraphernalia.

Nasa kustodiya na ng pulisya ang dalawang suspek na kakasuhan ng paglabag sa Republic Act No. 9165 o Comprehensive Dangerous Drugs Act of 2002.