KAMPO MAJOR HENERAL LICERIO I. GERONIMO Taytay, Rizal–Himas rehas na ang dalawang lalaki matapos mahulihan ng mahigit P1 milyon na halaga ng shabu noong Miyerkules sa Cardona, Rizal.

Ayon sa mga awtoridad, bandang alas-8:39 ng gabi ng ikinasa ng mga operatiba ng Rizal police ang buy-bust sa Cardona, Rizal na nagresulta sa pagkakaaresto kina alyas Pusoy, 34, at alyas Jepoy, 34.

Nasabat mula sa mga suspek ang 180 gramo ng shabu na nagkakahalaga ng mahigit P1.22 milyon.

Nasa kustodiya na ng Cardona police ang dalawang suspek na nahaharap sa kasong paglabag sa RA 9165 (Comprehensive Dangerous Drugs Act of 2002).