ARESTADO dahil sa kasong robbery ang tatlong sinibak na pulis officers sa Cavite sa Brgy. Mayapa, Calamba City, Laguna noong Agosto 15.

Kinilala ni Kawit, Cavite police chief Lt. Colonel Richard Corpuz ang tatlo na sina alyas Lyn, 32, ng San Jose, Occidental Mindoro; alyas John, 39, ng Kawit, Cavite; at Reynaldo Quilit, 46, ng Magsaysay, Occidental Mindoro.

Suspek ang tatlo sa panloloob sa isang bahay sa Grand Centennial Homes sa Brgy. Magdalo-Potol, Kawit, Cavite noong Pebrero 13, 2024.

Nasakote ang tatlo sa bisa ng warrant of arrest dahil sa robbery na inisyu ni Judge Emanuel Ocsing, Presiding Judge, RTC of Branch 120, Imus City, Cavite.