APAT ang patay matapos bumagsak ang isang pribadong eroplano Huwebes ng hapon sa Barangay Malatimon, Ampatuan, Maguindanao del Sur.

Ito ang kinumpirma ni Wendy Baulete ng Provincial Disaster Risk Reduction and Management Office o PDRRMO.

Naganap ang insidente dakong 2:00 ng hapon.

Sa inisyal na ulat, ang mga biktima ay lulan ng isang Beech King Air 300 fixed wing multi-engine na eroplano na may tail number na N349CA.

Bukod sa mga biktima isang kalabaw din ang nabagsakan ng eroplano

Patuloy ang imbestigasyon sa insidente.