CAMP OLIVAS, City of San Fernando – Naaresto ng mga pulis ang suspek sa panghoholdap sa 41-anyos na Korean national sa Angeles City, Pampanga, sa tulong ng Police Regional Office 3 (PRO 3) JBM Kuyog System.

Naganap ang holdapan sa Barangay Balibago, Angeles City, at nahuli ang suspek sa tulong ng closed-circuit television footage, ayon kay P/Col. Robert Domingo.

Nasamsam kasabay ng pag-aresto sa suspek ang Glock .40-caliber pistol, hand grenade, mga damit na ginamit sa panghoholdap, motorcycle at ang cellular phone at bag ng biktima.

“The JBM Kuyog System is about making sure our units move together. When intelligence, investigation, and operating teams share information early and act on it immediately, we can respond faster and limit the room for suspects to escape,” ayon kay PRO 3 Director Brig. Gen. Jess Mendez.