Calendar
Pagpapataw ng P100 buwis sa single-use plastic lusot sa Kamara
LUSOT na sa Mababang Kapulungan ng Kongreso ang panukala na magpapataw ng P100 buwis sa bawat kilo ng single-use plastic bag.
Sa botong 255 pabor at tatlong hindi pabor, inaprubahan ng Kamara ang House Bill 4102 sa ikatlo at huling pagbasa.
Ang panukala ay pangunahing akda nina Reps. Joey Salceda of Albay, Horacio Suansing ng Sultan Kudarat at Mikaela Angela Suansing ng Nueva Ecija.
Ang iba pang may-akda ng panukala ay sina Speaker Martin G. Romualdez, House Majority Leader Manuel Jose “Mannix” M. Dalipe, Nicanor M. Briones, Lex Anthony Cris A. Colada, Rodolfo “Ompong” M. Ordanes, Joseph Stephen “Caraps” S. Paduano, Sergio C. Dagooc, Teodorico Jr. T. Haresco, James “Jojo” Jr. A. Ang, Lordan G. Suan, John Tracy F. Cagas, Allan U. Ty, Sonny “SL” L. Lagon, Eric G. Yap, Rosanna “Ria” V. Vergara, Nicolas VIII C. Enciso, Maria Carmen S. Zamora , Elpidio Jr. F. Barzaga, Ron P. Salo, Ray Florence T. Reyes, Stella Luz A. Quimbo, Arnie B. Fuentebella, Mario Vittorio “Marvey” A. Mariño, Ernesto Jr. M. Dionisio, Ricardo T. Kho, Florida “Rida” P. Robes, Ramon Rodrigo L. Gutierrez, Nelson L. Dayanghirang, Marissa “Del Mar” P. Magsino, Jose C. Alvarez, Marvin D. Rillo, Michael B. Gorriceta, Ralph G. Recto, Wilbert T. Lee, Jose Gay G. Padiernos, Juan Carlos “Arjo” C. Atayde, Midy N. Cua, Bienvenido Jr. M. Abante, Alfelito “Alfel” M. Bascug, Alfred C. Delos Santos, Bernadette “BH” Herrera, Kristine Singson-Meehan, Rufus B.R odriguez, Franz Pumaren, Ramon Jr. C. Nolasco, Adrian Michael A. Amatong, Stephen James T. Tan, Janice Z. Salimbangon, Wilter Y. Palma, Harris Christopher M. Ongchuan, Shernee A. Tan-Tambut, Emigdio III P. Tanjuatco, Gabriel Jr. H. Bordado, at Ramon Jolo III B. Revilla.
Ayon sa mga may-akda ang plastic pollution ay isa sa problema ng kalikasan at napupunta sa mga ilog at karagatan at nakakaapekto sa kabuhayan ng mga mangingisda.
Sinabi ni Salceda na ang Pilipinas ang ikatlong pinakamalaking contributor ng plastic pollution sa mundo na umaabot sa 2.7 milyon hanggang 5.5 milyong metriko tonelada kada taon.
Mayroon din umano itong masamang epekto sa kalusugan dahil sa taglay nitong Bisphenol A o BPA, isang kemikal na itinuturong sanhi ng kanser.
Sa ilalim ng panukala papatawan ng P100 buwis ang bawat kilo ng single-use plastic bags. Ang buwis ay itataas ng apat na porsyento kada taon simula sa Enero 1, 2026.
Ang mga plastik na saklaw ng panukala ay ang mga secondary level plastics na gawa sa synthetic o semi-synthetic organic polymer gaya ng ‘ice,’ ‘labo,’ or ‘sando’ bags na maaaring may hawakan o wala.
