ISANG task force ang binuo ng National Telecommunications Commission (NTC) upang bantayan ang pagpapatupad ng mga telecommunication company (telco) ng SIM Registration law.

Bukod dito sinabi ni NTC Deputy Commissioner Jon Paulo Salvahan na mayroong mga opisyal sa mga regional offices na nagbabantay din sa ginagawang pagrerehistro ng mga SIM card.

Sinabi ni Salvahan na isang ad hoc committee ang bubuohin ng NTC upang talakayin ang problema ng mahinang signal na siyang dahilan kung bakit nahihirapang magrehistro ang ilang SIM card owner.