ITINALAGA ni Pangulong Ferdinand Marcos Jr. si Atty. Cheloy Garafil bilang kalihim ng Presidential Communications Office (PCO).

Batay sa inilabas na impormasyon ng PCO si Garafil ay nanumpa na sa tungkulin kay Pangulong Marcos.

Bago naitalagang kalihim, si Garafil ay naging officer-in-charge ng binuwag na Office of the Press Secretary.

Siya ay itinalagang chairperson ng Land Transportation Franchising and Regulatory Board (LTFRB) bago inilipat bilang OIC ng OPS.