NAKIPAGPULONG si Pangulong Ferdinand R. Marcos Jr. kina Speaker Ferdinand Martin Romualdez at Senate President Juan Miguel Zubiri upang pag-usapan ang mga panukalang batas na kailangan ng administrasyon.

Inilabas ng Presidential Communications Office (PCO) ang litrato ng pagpupulong.

Hindi naman tinukoy ng PCO ang mga partikular na pinag-usapan ng tatlo.

Sa isinagawang Legislative-Executive Development Advisory Council (LEDAC) noong nakaraang taon, inilatag ang mga panukalang batas na kailangan ng administrasyon upang epektibong mapamunuan at mapaunlad ang bansa.