DALAWA ang maghahati sa P73.4 milyong jackpot prize ng Megalotto 6/45.

Ang mga nakakuha ng winning number combination na 37-29-42-21-27-05 ay tumaya sa La Carlota City, Negros Occidental, at sa Pinagkaisahan, Makati City.

Ayon sa Philippine Charity Sweepstakes Office (PCSO) nanalo ng tig-P32,000 ang 45 mananaya na nakakuha ng lima sa anim na numerong lumabas.

Tig-P1,000 naman ang tinamaan ng 2,443 mananaya na nakaapat na numero at tig-P30 ang tinamaan ng 37,318 mananaya na nakatatlong numero.

Ang mga nanalo ay mayroong isang taon para kunin ang kanilang premyo.