PINALAWIG ng Land Transportation Office (LTO) ang validity ng mga lisensya sa pagmamaneho na mage-expire ngayong Abril hanggang Oktobre.

“All holders of driver’s license cards expiring 24 April 2023 onwards shall no longer be required to renew their licenses until October 31, 2023 or as soon as the driver’s license cards become available for distribution to the public,” sabi ng memorandum na ipinalabas ni LTO chief Jay Art Tugade.

Ang lahat din umano ng mga penalty sa late renewal ay mawi-waive.

Ginawa ng LTO ang hakbang na ito sa gitna ng inaasahang kakapusan sa suplay ng mga plastic card na ginagamit sa paggawa ng lisensya.

Pinayagan ng LTO ang pag-imprenta ng lisensya sa papel kalakip ang official receipt.