MAGKAKAROON ng pagtataas sa presyo ng liquefied petroleum gas (LPG) ngayong Mayo.

Inanunsyo ng Petron Corp. na magtataas ito ng P0.85 kada kilo ng LPG at P0.48 kada litro ng AutoLPG simula Mayo 1.

Ang Phoenix LPG Philippines Inc. ay magpapatupad naman ng P0.95 kada kilong pagtaas sa Super LPG at P0.48 kada litro ng AutoLPG.

Ang Solane naman ay magtataas ng P0.82 kada kilo.

Noong nakaraang buwan ay nagpatupad ng hanggang P9.20 kada kilong bawas presyo ang mga kompanya ng LPG.