KAMPO HENERAL MALVAR, Lungsod ng Batangas — Bagsak sa kulungan noong Biyernes ang isang itinuturing na Regional Most Wanted Person matapos maaresto ng mga awtoridad sa Brgy. Tulos, Rosario, Batangas.

Kinilala ang suspek na si alyas Christopher, 30, isang magsasaka at residente sa naturang lugar.

Inaresto ang suspek ng Rosario Municipal Police Station (MPS) sa bisa ng warrant of arrest na inilabas ng Family Court Branch 8 ng Calamba City, Laguna, para sa limang bilang ng statutory rape na walang inirekomendang piyansa, ayon kay PCol. Oliver Ebora, provincial director.

Kasalukuyang nakakulong sa Rosario MPS ang suspek habang inihahanda ang dokumento para sa pagbabalik ng warrant sa korte.