MULING ipinatutupad sa Baguio City ang pagsusuot ng face masks sa loob ng mga establisyemento at mga matataong lugar matapos tumaas ang kaso ng Covid-19 doon.

Sinabi ni Baguio Mayor Benjamin Magalong na iwasan na rin muna ang pakikipagkamay at beso-beso bilang bahagi ng pagkontrol sa lalong pagdami ng Covid-19 sa lungsod.

Nilinaw naman ni Magalong na hindi kokontrolin ang paglabas ng tao.

Bagamat dumami ang kaso, sinabi ni Magalong na nananatiling mababa ang utilization rate ng mga ospital.