ISANG mananaya sa San Fernando, Pampanga ang nanalo ng P41.256 milyong jackpot prize ng MegaLotto 6/45.

Ayon sa Philippine Charity Sweepstakes Office (PCSO), isa lang ang nakakakuha ng winning number combination na 25-15-05-11-09-03 sa bola noong Hunyo 2.

Ang nanalo ay tumaya sa McArthur Highway, San Fernando.

Nanalo naman ng itg-P32,000 ang 172 mananaya na nakakuha ng limang numerong lumabas.

Ang 4,950 na nakakuha ng apat na numero ay tumama naman ng tig-P1,000 samantalang ang 52,082 mananaya na nakatatlong numero ay tig-P30 ang tinamaan.