SINUBUKAN ng Metro Rail Transit 3 ang paggamit ng tren na mayroong apat na bagon.

Ginawa ang testing sa paggamit ng mas mahabang tren matapos ang rehabilitasyon ng MRT-3. Sa kasalukuyan ay tatlong bagon lamang kada tren ang ginagamit sa operasyon ng MRT-3.

Sa pagdaragdag ng bagon ay mas marami pang pasahero ang maisasakay ng MRT-3 at mababawasan ang siksikan.

Noong 2010 ay sinubukan na rin ang paggamit ng tren na mat apat na bagon.

Sa halos 100 araw na nalalabi sa administrasyong Duterte sinabi ng Department of Transportation (DOTr) na magpapatuloy pa rin ang pagseserbisyo nito upang maging komportable ang biyahe ng mga pasahero.