IMUS CITY, Cavite–Umaabot 123 kilos ng shabu na may street value na P775,200,000 ang nasabat mula sa tatlong suspek ng PNP Drug Enforcement Group (PDEG) sa dalawang drug operations sa lugar na ito noong Lunes, syon sa mga pulis.

Unang narekover ang 110 kilos ng shabu na may street value na P748 milyon sa unang operation sa B-34, L-19, Lavender St., Brgy. Pasong Buaya II, Imus Cavite dakong alas-6:20 ng gabi. Kinilala ang mga nahuling drug suspects na sina Arry Martin Didel Saad, 37; at Jan Rey Estrella Naz, 26.

Nakuha naman sa ikalawang operation ang hinihinalang shabu na may value na P27,000,000 kay Adie Batawan Guimadel, 33, ng Blk 5, Lot 10, Phase 2, Villa De Primarosa, Imus City, Cavite bandang alas-9:00 ng gabi.