TINUMBA ang isang tricycle driver ng hindi kilalang armadong suspek habang Sabado sa Rizal St., Brgy. Syete, Calamba City, Laguna.

Kinilala ng Calamba City Police ang biktima na si Ryan Cardano Ortiz.

Namatay sa mismong idina-drive na motorsiklo ang biktima bunsod ng malubhang tama sa kanyang mukha mula sa hindi mabatid na kalibre ng baril.

Samantala, nanatiling hindi kilala ang tumakas na suspek matapos ang pamamaril dakong alas 6:40 ng gabi.

Ayon sa pulisya sakay ng tricycle ang biktima na may plate numbe DO 25926 sa may JP Rizal St ng biglang dumating ang suskpek saka namaril.