BATANGAS CITY — Naghain ng certificate of candidacy (COC) noong Huwebes sina Mayor Beverly Dimacuha sa pagka-kongresista ng Batangas 5th district at sa pagka-alkalde si Congressman Marvey Marino.

Kasama sa pagpa-file ang re-electionist na si Vice Mayor Alyssa Cruz at 12 miyembro ng Team EBD na naghain ng kandidatura bilang mga konsehal.

Gusto din bumalik sa Konseho nina Board Member Claudette Ambida, dating Konsehal Aileen Montalbo at Gerry Dela Roca at bagong kandidato naman sina Board Member Bart Blanco at Ailin Imacuha.

Kandidato sa pagka Bokal ng ika-5 Distrito si Dr. Jun Berberabe at Councilor Hamilton Blanco.

Nauna rito, nakinig ang grupo ng misa sa Basilica ng Inmaculada Concepcion na binasbasan ni Rev. Fr. Angel Pastor.