ARESTADO ang isang lalaki noong Lunes ng mga miyembro ng Sta. Rosa police at Regional Intelligence Division-4A dahil sa kasong panggagahasa sa Brgy. Dita Sta. Rosa City.

Kinilala ng Sta. Rosa police ang suspek na si alyas Jose na inaresto dahil sa nasabing kaso sa bisa ng arrest warrant galing kay Judge Gil Jude Franco Sta. Maria Jr., Presiding Judge ng RTC Branch 102 Sta. Rosa City.

Natiklo ang suspek bandang alas-2:30 ng hapon. Walang inirekomendang piyansa para sa pansamantalang paglaya ng suspek.

Kasalukuyang nakapiit sa Sta Rosa City police ang akusado.