NAHUKAY ng mga miyembro ng 1st Laguna Provincial Mobile Force Company (LPMFC) ang malalakas na kalibre ng baril, bala at explosive materials sa Brgy. Novaliches, Liliw, Laguna noong Sabado.

Sa pamumuno ni Police Captain Filomeno Soriano Jr., narekober ng mga pulis ang isang eco bag na naglalaman ng mga pampasabog at baril at hinihinalang ibinaon ng hindi kilalang mga suspek sa ilalim ng puno ng Talisay.

Kabilang sa nahukay ang .38 caliber na baril, isang rifle grenade na may container, isang live ammunition ng 40mm M203 at 16 na live ammunitions.