MARIVELES, Bataan–Isang pinaghihinlaang tulak ng ilegal na droga ang napatay noong Sabado sa buy-bust na nauwi sa barilan sa Roman highway, Batangas Dos sa bayang ito.

Nagresulta sa pagkakakumpiska ng P1.2 million na halaga ng shabu na may timbang na 180 gramo mula sa napatay na suspek na si Nico Santos alias Chukoy, ayon sa ulat ni Lt. Col. Dennis Orbista, hepe ng pulisya.

Naka-recover din mula sa napatay ng isang caliber 45 pistol at dalawang magazine na may bala.

“The suspect, only identified as alias Chukoy, noticed that he was transacting with police operatives but started firing a handgun later known to be a 45 cal 1911 model pistol.

Shootout ensued and the suspect sustained gunshot wound on his body and was later apprehended and brought to Bataan General Hospital, Balanga City, Bataan by Rescue Medics of Brgy. Batangas 2, Mariveles, Bataan and pronounced dead on arrival by attending physician,” sabi ni Col. Orbista.