DEAD-on-the-spot ang isang lalaki noong Miyerkules matapos pagbabarilin ng hindi nakilalang salarin habang nakatayo sa gilid ng kalye sa Brgy. Poblacion, Padre Garcia, Batangas.

Bandang alas-6:50 ng umaga ini-report ang pagkakapatay kay alyas Lamberto, 55, ng isang opisyal ng barangay sa mga otoridad.

Naglalakad ang biktima sa gilid ng Brgy. Kalsada ng Brgy. Poblacion bandang 6:30 ng umaga nang biglang dumating ang hindi kilalang suspek sakay ng Yamaha Mio.

Nagbunot ng baril at walang awang pinagbabaril ng ilang beses ang biktima na naging sanhi ng kanyang agarang kamatayan.

Matapos ang insidente, tumakas ang suspek sakay ng motorsiklo bitbit ang armas na ginamit patungo sa Brgy. Poblacion, Padre Garcia.

Apat na basyo ng bala ng kalibre .45 ang narekober ng mga pulis.