ARESTADO ang isang lalaki dahil sa pag-iingat ng baril at shabu sa Brgy. J. Leviste, Laurel, Batangas noong Huwebes.

Bandang alas-10:50 ng umaga nahuli ng mga tauhan ng Laurel Municipal police ang suspek na si alyas Elmer dahil sa paglabag sa RA 10591.

Nahuli ang suspek sa warrant of arrest galing kay Presiding Judge Charito M. Macalintal-Sawali ng Regional Trial Court, Fourth Judicial Region, Branch 66 ng Tanauan City, Batangas.

Nasamsam mula sa suspek ang isang cal .38 revolver, apat na bala at sachet na may 2.5 na gramo ng shabu at may halagang P17,000.