KAMPO HENERAL MIGUEL MALVAR, Batangas–Nasakote noong Linggo ng mga pulis ang lalaking suspek sa kasong panghahalay sa Brgy. Alangilan, Batangas City.

Nahuli si alyas Leo, 47, alas-8:30 ng umaga dahil sa mga kasong qualified rape of a minor at sexual assault sa bisa ng warrant of arrest na inisyu ni Judge Maria Socorro Godoy ng RTC Branch 1-Family Court, Batangas City.

Tiniyak ng Batangas police ang tamang paggamit ng body worn cameras (BWC) sa paghuli sa suspek.

Kasalukuyang nakakulong sa pansamantalang pasilidad ng Batangas City police ang suspek.