PATAY ang 45-anyos na messenger dahil sa mga saksak sa Purok 4, Brgy. Aplaya, Sta Rosa City, Laguna noong Martes.

Sa ulat ng Sta Rosa City police, kinilala ang biktima na si alyas Marlon ng Purok 5, Brgy. Aplaya ng siyudad.

Idineklarang dead-on-arrival ni Dr. Catherine Francisco ng Sta. Rosa Community Hospital ang biktima dahil sa maraming saksak sa katawan.

Ayon sa imbestigasyon, bigla na lang inundayan ng mga saksak ng hindi nakikilalang suspek ang biktima habang nakatayo sa lugar mga bandang alas-12:18 ng hatinggabi.

Tumakas ang suspek na nakaitim na sando at jersey short matapos ang pananaksak.