ISANG graduate ng University of San Carlos sa Cebu ang nanguna sa May 2022 Chemical Engineer Licensure Examinations.

Ayon sa Professional Regulation Commission (PRC) si Richmond Caya Pepito ay nakakuha ng 86.90 porsyento.

Sumunod sa kanya si Shania Angel Meca Montesa ng Technical Institute of the Philippines – Manila na nakapagtala ng 86.60% porsyento at pumangatlo naman si Angelica Floresca Jao ng University of the Philippines – Diliman na nakapagtala ng 86.20 porsyento.

Sinabi ng PRC na 585 sa 1,032 kumuha ng eksaminasyon ang nakapasa.

Ang Chemical Engineer Licensure Examination noong Mayo ay ginawa sa Maynila, Baguio, Cagayan de Oro, Cebu, Davao, Iloilo at Legazpi.