NANINDIGAN si Tingog Party-list Rep. Jude Acidre na dapat sagutin ng Department of Tourism (DOT) na pinamumunuan ni Secretary Christina Frasco ang mababang performance ng ahensya at ang mga sinayang nitong oportunidad lalo at hindi ito nabanggit ni Pangulong Ferdinand Marcos Jr. sa kanyang State of the Nation Address (SONA).

“That silence was loud. The absence of tourism from the President’s SONA sends a clear message: the sector is not delivering, and the DOT needs to do better,” ani Acidre.

Tinukoy niya ang malalaking kakulangan sa pagbangon ng turismo sa bansa, at sinabi ni habang ang mga kalapit na bansa tulad ng Thailand, Vietnam, at Malaysia ay mabilis nang nakakabawi, ang Pilipinas ay patuloy na naiiwan.

“In 2024, we welcomed only 5.95 million foreign visitors. That’s still far below our 2019 figure of 8.26 million, and miles behind Thailand’s 35.5 million or Malaysia’s 25 million. These numbers should set off alarms,” aniya.

Binigyang-diin din ni Acidre na hindi lang bumaba ang bilang ng mga turistang dumarating sa bansa, kundi pati na rin ang kinikitang kita sa bawat bisita. Bagama’t iniulat ng DOT na umabot sa P760.5 bilyon (humigit-kumulang $13.1 bilyon) ang tourism receipts ng bansa, kumita naman ng higit $39 bilyon ang Thailand at $16 bilyon ang Vietnam sa parehong panahon.

“It’s not just about quantity. It’s also about the quality of experience. Tourists are choosing to spend more elsewhere, and that reflects how we’re managing the sector,” aniya.

Iginiit niyang dapat isa ang turismo sa pinakamalakas na instrumento ng bansa para sa pag-unlad ng mga rehiyon at inclusive growth, lalo na sa mga lugar na hindi gaanong napapansin.

“But how can we expect local tourism to recover if national leadership is falling short?” ani Acidre.

“The DOT has the budget, the mandate and the talent. What it seems to lack is urgency and direction,” dagdag pa niya.

Bagama’t suportado niya ang mga layunin ng administrasyon sa ekonomiya, sinabi ni Acidre na kailangang panagutin ang mga ahensya ng gobyerno sa malinaw na pamantayan ng performance.

“We cannot keep rewarding mediocrity. The tourism sector is too important to be sidelined. If the DOT cannot deliver, then we owe it to the Filipino people to demand accountability and course correction,” aniya.