INAPRUBAN ng National Police Commission (NAPOLCOM) ang rekrutment ng 6,589 patrolman at patrolwoman sa ilalim ng PNP Attrition Recruitment Program para sa 2025.

Layunin ng programa ang pantay na pagpapalit ng mga tauhang nawala sa serbisyo at pagpapatibay ng police-to-population ratio alinsunod sa RA 6975.

Umabot sa 5,689 slots ang inilaan sa mga Police Regional Office (PRO), habang 900 slot ang nakatalaga sa mga National Support Unit (NSU) gaya ng DEG, HSS, EOD-K9, CES, AKG, CIDG, IMEG at SAF.

Prayoridad ang mga aplikanteng may kaalaman sa ICT upang suportahan ang makabagong pamamaraan ng pagpupulis.

Lahat ng rekrut ay sasailalim sa Field Training Program at itatalaga sa mga units na kailangan ng dagdag na tao.