CALAPAN CITY–Binasbasan noong Lunes ang mga bagong sasakyan para sa Brgy. Guinobatan at Batino, Calapan City.

Pinangunahan ni Calapan City Mayor Doy Leachon ang turnover ng mga sasakyan kasama si Angel Navarro at ilang konsehal ng lungsod.

Ang pamamahagi ng service vehicles naglalayong mas palawigin pa at mapabuti ang pagbibigay ng serbisyo publiko sa mga barangay at makatugon sa pangangailangan ng komunidad.

Dagdag pa ni Mayor Doy, ito ay isang malaking hakbang tungo sa mas maayos na pamumuhay sa Calapan.

Nagpasalamat ang mga punong barangay at mga miyembro ng Sangguniang Barangay sa maagang Pamasko na kaloob ng Calapan government.