KAMPO HENERAL MALVAR, Batangas City–Dalawang hinihinalang tulak ng ipinagbabawal na shabu ang naaresto ng mga pulis noong Huwebes.

Kinilala ni Batangas police director P/Col Geovanny Sibalo ang mga nahuli na sina alyas Bart, 52; at Herald, 42, na nadakma sa buy-bust ng Batangas City police katuwang ang Philippine Drug Enforcement Agency (PDEA).

Nakumpiska sa dalawa ang 65 na gramo ng shabu na may standard price na P442,000, sling bag at siyam na P1,000 bills.

Inihahanda na ang kasong paglabag sa RA 9165 na isasampa laban sa dalawa sa Batangas City Prosecutor’s Office.

Nakakulong sa Batangas City police ang dalawang nahuling suspek.