NANUMPA ang 15 opisyal at miyembro ng Laguna Capitol Press Corps sa Laguna Capitol kay Gov. Sol Aragones noong Huwebes.

Layunin ng aktibidad na pagtibayin ang paninindigan ng media sa responsableng pamamahayag at tamang paghahatid ng impormasyon sa publiko.

Nagpasalamat si Gov. Aragones sa commitment ng mga mamamahayag sa pagbabalita. “Salamat sa suporta at patuloy kayo maghatid ng tamang balita at labanan ang fake news,” pahayag ng gobernador.

Binigyang diin ng gobernador ang mahalagang papel ng media sa pagpapalakas ng tiwala ng publiko, lalo na sa panahon ng mabilis na pagkalat ng maling impormasyon.