CAMP OLIVAS, Pampanga–Iniulat ng Police Regional Office 3 (PRO)-3 noong Martes na nailigtas ang negosyante na dinukot sa Cabanatuan City noong January 26 at naaresto din ang tatlong suspek sa krimen.

Sinabi ni PBGen. Rogelio Peńones, hepe ng PRO-3, na pagkatapos madukot ang biktima na may P5 milyon ransom, naglunsad ng hot pursuit at intelligence-driven operations ang mga units ng PRO-3 na nagresulta sa pagsagip sa biktima at pagkakabuwag ng grupo.

Ang operasyon ay naaayon sa PNP Focused Agenda at direktiba ni acting chief PNP P/Lt. Gen. Jose Melencio C. Nartatez Jr., ayon sa PRO-3 chief.