HINARANG ng mga miyembro PNP Aviation Security Group (AVSEGROUP) ang South African national na may dalang mahigit P40 milyong droga noong Lunes sa NAIA Terminal 3 sa Pasay City.

Naaresto ang 64-anyos na dayuhan nang dumaan sa routine screening sa International Arrival Conveyor Area ang kanyang bagahe sa tulong ng PDEA K9 team.

Nang buksan ang kahon na dala niya, nakita ang 6,006 gramo ng hinihinalang shabu na nagkakahalaga ng P40,840,800.